టిడిపిపై చిరంజీవి మెగా విమర్శలు

విశాఖపట్టణం: చాలా కాలం తర్వాత చిరంజీవి తెలుగుదేశం పార్టీపై గట్టి విమర్శలు చేశారు. రాష్ట్రంలో ప్రధాన ప్రతిపక్ష పార్టీగా ఉన్న టీడీపీ తన బాధ్యతను నేరవేర్చడంలో విఫలమయిందని ప్రజారాజ్యం పార్టీ అధినేత విమర్శించారు. అసెంబ్లీలో ప్రజా సమస్యల ప్రస్తావన రాకుండా సమయాన్ని వృధా చేస్తుంద ని, దీనిపై ఆ పార్టీ అధినేత చంద్రబాబు ఆలోచించుకోవాలని ఆదివారమిక్కడ విలేకరులతో మాట్లాడుతూ చిరంజీవి అన్నారు.

అసెంబ్లీలో ఆధిపత్యం కోసం ప్రధాన పార్టీలు పాకులాడుతున్నాయని దుయ్యబట్టారు. శాసనసభా కార్యక్రమాలను సజావుగా జరిగేలా చూడాలని ఆయన విజ్ఞప్తి చేశారు. మరోవైపు చిరంజీవి తిరిగి సినిమాల్లోకి రావాలంటూ ఆయన అభిమానులు కేరింతలు కొట్టారు. అయన మళ్ళీ సినిమాల్లోకి వస్తారన్న వార్తలు రావడమే దీనికి కారణం.