భార్యను హత్య చేసిన కామాంధుడు

హైదరాబాద్: కామం తీర్చలేదనే ఆగ్రహంతో భార్యను హత్య చేసిన వ్యక్తి ఉదంతం రంగారెడ్డి జిల్లాలో చోటు చేసుకుంది. రంగారెడ్డి జిల్లా యారాడ మండలం కోకట్ గ్రామంలో నర్సింహులు అనే వ్యక్తి తన భార్య లాలమ్మను హత్య చేశాడు. మద్యం మత్తులో ఉన్న నర్సింహులు భార్య తన కోరిక తీర్చలేదని ఆగ్రహించి గొంతు నులిమి హత్య చేశాడు. దాన్ని ఆత్మహత్యగా చిత్రీకరించే ప్రయత్నం చేశాడు.

గ్రామస్థులు నర్సింహులు స్తంభానికి కట్టేసి కొట్టారు. పోలీసులు నిందితుడ్ని అదుపులోకి తీసుకున్నారు. నర్సింహులు భార్య నాలుగు నెలల గర్భవతి కూడా. వ్యసనాలకు బానిస అయిన నర్సింహులు రాత్రి భార్య లాలమ్మను కోరిక తీర్చాలని పట్టుబట్టాడు. అందుకు ఆమె నిరాకరించడంతో హత్య చేశాడు.