నిత్యానంద ఫోటోతో పోలీసుల ప్రకటన

బెంగళూరు: నిత్యానంద రాసలీలలపై దర్యాప్తు జరుపుతున్న సీఐడీ పోలీసులు కూడా నిత్యానంద నుంచి మోసపోయిన వారు స్వచ్చందంగా వచ్చి ఫిర్యాదులు చేయవచ్చనని పత్రికా ప్రకటన ఇచ్చారు. దీనికి తోడు తనపై నమోదైన అన్ని కేసులను వాపసు తీసుకోవాలని నిత్యానంద దాఖలు చేసిన పిటిషన్‌ను హైకోర్టు తోసిపుచ్చింది. ఈ మొత్తం పరిణామాల నేపథ్యంలో మఠాధీశులు, స్వాముల సూచన మేరకు నిత్యానంద సర్వసంగ పరిత్యాగానికి సిద్దపడ్డారు.

సినీ నటితో కామకేళి ఆట మూడు వారాల క్రితం టీవీ చానళ్ల ద్వారా బట్టబయలు కాగానే అదృశ్యమైన నిత్యానందస్వామి, వెబ్‌ సైట్‌ లో ప్రత్యక్షమై ఆశ్రమం ఆస్తిని కబళించేందుకు కొందరు కుట్ర పన్ని తన ప్రతిష్టను దిగజార్చే ప్రయత్నం చేశారని ఆరోపించారు. అయితే రెండోసారి మాత్రం వీడియో ఉన్నది తానేనని అంగీకరించి త్వరలోనే వాస్తవాలు వివరిస్తానన్నారు. వారం క్రితం హరిద్వారలోని రహస్య ప్రదేశంలో ప్రత్యక్షమై టీవీ చానళ్లకు ఇంటర్వ్యూ ఇచ్చారు.