శ్రీకాకుళం జిల్లా ఆంధ్రా బ్యాంక్ లో భారీ దోపిడీ

శ్రీకాకుళం: శ్రీకాకుళం జిల్లా రణస్థలం మండలం పైడి భీమవరం ఆంధ్రా బ్యాంకులో భారీ చోరీ జరిగింది. ఐదో నెంబర్ జాతీయ రహదారిపై గల బ్యాంకులో దుండగులు దోపిడీకి పాల్పడ్డారు. స్ట్రాంగ్ రూ తాళాలు పగులగొట్టి దోపిడీదారులు నగదు, బంగారు నగలును ఎత్తుకెళ్లారు. వాటి విలువ ఐదు కోట్ల రూపాయల వరకు ఉంటుందని ఒక అంచనా. మంగళవారం రాత్రి ఈ దోపిడీ జరిగినట్లు తెలుస్తోంది.

సమాచారం అందుకున్న పోలీసులు ఘటనా స్థలానికి చేరుకున్నారు. చోరీకి గురైన లాకర్లను పరిశీలిస్తున్నారు. క్లూస్ టీమ్, డాగ్ స్క్వాడ్ రంగంలోకి దిగి ఆధారాలు సేకరిస్తున్నారు. దొంగలు వెనక భాగం నుంచి ప్రవేశించి ఈ చోరీకి పాల్పడినట్లు భావిస్తున్నారు.