తెలంగాణవాదం ఎక్కడున్నట్లు?: చిరు

హైదరాబాద్: తెలంగాణవాదం ఎక్కడుందని ప్రజారాజ్యం పార్జీ అధ్యక్షుడు చిరంజీవి ప్రశ్నించారు. ఆయన సోమవారం గ్రేటర్ హైదరాబాద్ కార్యకర్తల సమావేశంలో మాట్లాడారు. సామాజిక తెలంగాణ అంటే తమకు తెలంగాణలో లభించిన ఆదరణ తక్కువేనని, తెలంగాణ ఎజెండాగా ఉన్న తెలంగాణ రాష్ట్ర సమితి (తెరాస) కూడా అన్ని చోట్లా పోటీ చేయలేకపోయిందని, కొన్ని చోట్ల మాత్రమే గెలిచిందని, ఇక తెలంగాణవాదం ఎక్కడున్నట్లు ఆయన అన్నారు. తెరాసది పేరు గొప్ప ఊరు దిబ్బ అని ఆయన అన్నారు.

కొన్ని పార్టీలు గోడ మీడి పిల్లిలా వ్యవహరిస్తున్నాయని ఆయన తెలుగుదేశం పార్టీ అధ్యక్షుడు నారా చంద్రబాబునాయుడిని ఉద్దేశించి అన్నారు. తమ విధానాలు స్పష్టంగా ఉన్నాయని, ప్రజలకు నిజం తెలుస్తుందని ఆయన అన్నారు. తాజా రాజకీయాలపై ఆయన తీవ్ర అసంతృప్తి వ్యక్తం చేశారు. రాజకీయాలంటే ఎత్తుగడల్లో తర్ఫీదు పొందడమని ఆయన విమర్శించారు. రాజకీయాలను దందా చేయడానికి, డబ్బులు సంపాదించదడానికి వేదికగా చేసుకుంటున్నారని ఆయన విమర్శించారు.