వరంగల్ జిల్లాలో న్యూ డెమొక్రసీ నక్సల్ గణేష్ ఎన్ కౌంటర్

వరంగల్: సిపిఐ (ఎంఎల్) న్యూ డెమొక్రసీ నక్సలైట్ గణేష్ అలియాస్ బాబూరావు మంగళవారం ఎన్ కౌంటర్ లో హతమయ్యాడు. ఈ ఎన్ కౌంటర్ వరంగల్ జిల్లాలోని కొత్తగూడ మండలం బక్కచింతలపల్లి గ్రామం అటవీ ప్రాంతంలో జరిగింది. పోలీసులను చూసిన గణేష్ కాల్పులు జరుపుతూ పారిపోవడానికి ప్రయత్నించాడు. ఈ సమయంలో పోలీసులు జరిపిన ఎదురు కాల్పుల్లో గణేష్ మరణించాడు.

గణేష్ మృతి చెందిన స్థలానికి గ్రామస్థులతో కలిసి ఆయన భార్య వెళ్లడానికి ప్రయత్నించారు. ఆమెను పోలీసులు అడ్డగించడానికి ప్రయత్నించారు. అందుకు పోలీసులు ఆరు రౌండ్లు గాలిలోకి కాల్పులు కూడా జరిపారు. అయితే, ఎట్టకేలకు గ్రామస్థులు గణేష్ మృతదేహాన్ని అటవీ ప్రాంతం నుంచి బయటకు తీసుకు వచ్చారు.