బద్మాష్, ఝుమ్మంది నాదం థియేటర్లపై కేసులు

విజయవాడ: విజయనగరం జిల్లాల్లో ఝుమ్మంది నాదం, బద్మాష్ సినిమా థియేటర్ల యజమానులపై పోలీసులు కేసు నమోదు చేశారు. అశ్లీష పోస్టర్లను ప్రదర్శిస్తున్నారనే ఆరోపణపై పోలీసులు గురువారం ఈ అరెస్టులకు పూనుకున్నారు. రాజ్యలక్ష్మి, ఆదిత్య థియేటర్లపై కేసులు పెట్టారు. ఈ విషయంలో తమ తప్పేమీ లేదని థియేటర్ల యజమానులు అంటున్నారు.

పోస్టర్లను తమం తాముగా ప్రదర్శించడం లేదని, పబ్లిసిటీ క్లియరెన్స్ సర్టిఫికెట్ వచ్చిన తర్వాతనే తాము వాటిని ప్రదర్శిస్తున్నామని, వాటిలో తమ తప్పు లేదని థియేటర్ యజమానులు అంటున్నారు. రాష్ట్రవ్యాప్తంగా ఆ పోస్టర్లను వేస్తున్నారని వారు చెప్పారు.