వైయస్ జగన్ కే సికింద్రాబాద్ ఎమ్మెల్యే జయసుధ ఓటు

హైదరాబాద్: సినీ నటి, సికింద్రాబాద్ కాంగ్రెసు శాసనసభ్యురాలు జయసుధ కడప పార్లమెంటు సభ్యుడు వైయస్ జగన్ కే ఓటు వేస్తున్నారు. తాను వైయస్ జగన్ వైపే ఉంటానని తెగేసి చెప్పారు. సికింద్రాబాదులోని మదర్ థెరిస్తా జన్మదినోత్సవం సందర్భంగా గురువారం సికింద్రాబాదులోని థెరిస్సా విగ్రహానికి ఆమె పూలమాల వేసి నివాళులు అర్పించారు. మదర్ బాటలో తాను నియోజక వర్గం ప్రజలకు తన వంతు సేవలు అందిస్తానని ఆమె చెప్పారు. జగన్ ఓదార్పు యాత్ర వ్యక్తిగతమని, పార్టీకి సంబంధం లేదని ఆమె అన్నారు.

దివంగత నేత వైయస్ రాజశేఖర రెడ్డి ప్రోత్సాహంతో జయసుధ రాజకీయాల్లోకి వచ్చి శాసనసభకు గెలిచిన విషయం తెలిసిందే. ఆమెకు పార్టీ విధేయత కన్నా వైయస్ కుటుంబ విధేయతే ముఖ్యం. ఇంతకు ముందు కూడా ఆమె పలు మార్లు జగన్ కు మద్దతు తెలిపారు.