పోలవరం ప్రాజెక్టుపై సిఎం రోశయ్యకు సోనియా గాంధీ హామీ

హైదరాబాద్: గోదావరి నదిపై రాష్ట్ర ప్రభుత్వం తలపెట్టిన పోలవరం ప్రాజెక్టుపై యుపిఎ చైర్ పర్సన్, కాంగ్రెసు అధ్యక్షురాలు సోనియా గాంధీ ముఖ్యమంత్రి కె. రోశయ్యకు హామీ ఇచ్చారు. పోలవరం ప్రాజెక్టుకు జాతీయ హోదా కల్పిస్తామని ఆమె రోశయ్యకు తెలిపారు. ఈ మేరకు ఆమె రోశయ్యకు ఓ లేఖ రాశారు. పోలవరం ప్రాజెక్టును ప్రాధాన్యతాంశంగా పరిశీలిస్తున్నామని, దీనకి సంబంధించి త్వరలో ఉత్తర్వులు జారీ చేస్తామని ఆమె హామీ ఇచ్చారు.

పోలవరంపై హామీ ఇచ్చిన సోనియాకు రోశయ్య కృతజ్ఞతలు తెలిపారు. రెండు రోజుల క్రితం పోలవరం ప్రాజెక్టుపై రోశయ్య సోనియాకు లేఖ రాశారు. సోనియా రాజకీయ సలహాదారు అహ్మద్ పటేల్ తో కూడా మాట్లాడారు. కాగా, పోలవరం ప్రాజెక్టు డిజైన్ మార్చాలని తెలంగాణ కాంగ్రెసు నాయకులు డిమాండ్ చేస్తున్నారు.