రజనీకాంత్ రోబో టిక్కెట్ల కోసం విజయవాడలో తొక్కిసలాట

విజయవాడ: సూపర్ స్టార్ రజనీకాంత్ చిత్రం శుక్రవారం విడుదల సందర్భంగా రాష్ట్టంలో థియేటర్ల ముందు యువత, రజనీ అభిమానులు హల్ చల్ చేస్తున్నారు. టిక్కెట్ల కోసం థియేటర్ల వద్ద తోపులాటలు జరుగుతున్నాయి. విజయవాడలోని అలంకార్ థియేటర్ వద్ద రోబో చిత్రం టిక్కెట్ కోసం అభిమానులు భారీగా తరలి వచ్చారు. టిక్కెట్ కోసం తోపులాట జరగటంతో క్యూ లైన్ చెదిరిపోయింది. దీంతో అక్కడ స్వల్ప తొక్కసలాట జరిగింది. పలువురికి చిన్న చిన్న గాయాలయ్యాయి.

రోబో విడుదల సందర్భంగా రాష్ట్రవ్యాప్తంగా అభిమానులు పెద్ద సంఖ్యలో థియేటర్లకు చేరుకున్నారు. రాష్ట్రంలోని థియేటర్లు ప్రేక్షకులతో నిండిపోయాయి. ఐశ్వర్యారాయ్, రజనీకాంత్ జంటగా నటించడం, దానికి శంకర్ దర్శకత్వం వహించడంతో అంచనాలు భారీగా ఉన్నాయి.