ఇందిరను పొగడ్తలతో ముంచి రాజీవ్ ను తెగిడిన నారాయణ

ఖమ్మం: కమ్యునిస్టు పార్టీ ఆప్ ఇండియా(సిపిఐ) రాష్ట్ర నాయకుడు నారాయణ ఖమ్మంలో సంచలన వాఖ్యలు చేశారు. తెలుగు లలిత కళాతోరణానికి దివంగత మాజీ ప్రధాని రాజీవ్ గాంధీ కన్నా ఆయన తల్లి ఇందిరాగాంధీ పేరు పెడితే బాగుండేదన్నారు. ప్రభుత్వం తెలుగు లలిత కళాతోరణానికి రాజీవ్ గాంధీ పేరు పెట్టడాన్ని ఆయన ఆక్షేపించారు. రాజీవ్ గాంధీ అసలు జాతీయ నాయకుడే కాదన్నారు. ఇందిరాగాంధీ దేశానికి ఎంతో సేవలు చేశారని కాబట్టి అమె పేరు పెడితే బాగుండేది అని అభిప్రాయపడ్డారు. రాష్ట్రంలోని అన్ని ప్రభుత్వ పథకాలకు ఆమె పేరునే పెట్టాలని కూడా సూచించారు. ఓ సందర్భంలో తన పేరు పెడితే ఇంకా బాగండేదని నవ్వుల జల్లులు కురిపించారు.

కొన్నాళ్ల క్రితం మహాత్మగాంధీ జయంతి రోజున తెలియకుండా మాంసం ముట్టనందుకు వచ్చే గాంధీ జయంతి వరకు మాంసం ముట్టనని ప్రమాణం చేసి అందరినీ ఆశ్యర్యంలో ముంచెత్తాడు. తరువాత సంవత్సరం గాంధీ జయంతి రోజు తరువాత చికెన్ తింటూ ఆ విషయం చెప్పాడు. సంవత్సరం పాటు చికెన్ కు దూరంగా ఉన్నానన్నాడు.