రాజీవ్ పేరుపై ఎన్టీఆర్ టిడిపి అధ్యక్షురాలు లక్ష్మీపార్వతి అభ్యంతరం

హైదరాబాద్: తెలుగు లలిత కళాతోరణం పేరును రాజీవ్ తెలుగు లలిత కళాతోరణంగా మార్చటం పట్ల ఎన్టీఆర్ తెలుగుదేశం పార్టీ అధ్యక్షురాలు నందమూరి లక్ష్మీపార్వతి తీవ్ర అభ్యంతరం వ్యక్తం చేసింది. ప్రభుత్వం వెంటనే లలిత కళా తోరణానికి రాజీవ్ పేరును కలుపుతూ తీసుకున్న చట్టాన్ని వెంటనే ఉపసంహరించుకోవాలని డిమాండ్ చేశారు.

రాజీవ్ అనే పేరును తొలగించకపోతే ఎన్టీఆర్ తెలుగుదేశం పార్టీ ఆధ్వర్యంలో రాష్ట్ర వ్యాప్తంగా తీవ్ర ఆందోళన చేస్తామన్నారు. తెలుగు జాతి కీర్తిని, వైభవాన్ని చాటడానికి తెలుగు పేరును ఆనాడు ఎన్టీఆర్ పెట్టాడని, కాని కాంగ్రెసు ప్రభుత్వం తెలుగును, తెలుగు ప్రజలను అవమానపరిచేటట్లుగా రాజీవ్ పేరును కలపడం తెలుగు వారు ఎవరూ జీర్ణించుకోరని ఆమె అన్నారు.