భారత స్వాతంత్ర్య యుద్ధం స్ఫూర్తినిచ్చింది: బరాక్ ఒబామా

ముంబయి: మహాత్మా గాంధీతో పాటు పలువులు స్వాతంత్ర సమరయోధులు భారత దేశ స్వాతంత్ర్యం కోసం చేసిన యుద్ధం ప్రపంచానికి స్ఫుర్తినిచ్చిందని అమెరికా అధ్యక్షుడు బరాక్ ఒబామా అన్నారు. మన్మోహన్ సింగ్ తో చర్చించాక ఉగ్రవాద చర్యలపై తీసుకు వచ్చే విషయాన్ని ఆలోచిస్తానని ఆయన ఆదివారం అన్నారు. భారత్ - ఆమెరికా వాణిజ్య ఒప్పంద అవకాశాలు అనంతం అని ఆయన ఉద్ఘాటించారు. ఆహార భద్రత విషయంలో పలు దేశాలకు భారత్ అదర్శమని ప్రశంసించారు. అహింసాయుత పోరాటంద్వారా భారత్‌కు స్వేచ్ఛను సాధించిన మహాత్మాగాంధీ ప్రపంచానికి మార్గదర్శకుడని అమెరికా అధ్యక్షుడు ఒబామా అన్నారు. ముంబయిలోని సెయింట్‌జేవియర్‌ కళాశాలలో ఆయన ప్రసంగిస్తూ మహాత్ముని విధానాలు స్ఫూర్తిదాయకమన్నారు. భారత స్వాతంత్య్రఉద్యమం తనకు స్ఫూర్తినిచ్చిందన్నారు. అనంతరం విద్యార్థులు అడిగిన ప్రశ్నలకు ఆయన సమాధానాలిచ్చారు.

ప్రపంచంలోని అన్నీ మతాలు సమానమేనని ఇతరులను ఇబ్బంది పెట్టని రీతిలో మతాన్ని అవలంభించాలని అమెరికా అధ్యక్షుడు ఒబామా అన్నారు. ఆర్థిక ప్రగతి ప్రజలను పేదరికం నుంచి విముక్తి కలిగిస్తుందన్నారు. ఆరోగ్యకరమైన పోటీ ఆహ్వానించదగ్గ పరిణామమని ఆయన పేర్కొన్నారు. ఆధ్మాత్మికతో కూడిన జీవన విధానం ఉన్నత మార్గమని ఆయన అన్నారు. మయన్మార్‌లో ఎన్నికలు ప్రశాంతంగా, ప్రజాస్వామ్యయుతంగా జరుగుతాయని ఆశిస్తున్నానని ఆయన అన్నారు. ఆహార భద్రత విషయంలో భారత్‌ అనేక దేశాలకు ఆదర్శంగా నిలుస్తోందన్నారు. అమెరికా-భారత్‌ మధ్య వాణిజ్యానికి విస్తృతమైన అవకాశాలున్నాయన్నారు. ఆర్థికమాంద్యం కారణంగా ఆర్థికంగా అమెరికా దెబ్బతినిందన్నారు. ఉగ్రవాదం పాకిస్థాన్‌కే పరిమితం కాలేదన్నారు. విశ్వవ్యాప్తంగా ఇది వివిధరూపాల్లో ఉందన్నారు. ఆఫ్గనిస్థాన్‌లో ఇరాక్‌లో అనుసరించిన విధానాన్నే అవలంబించినట్లు ఆయన వెల్లడించారు.