కేంద్రమంత్రి రాజాను తొలగిస్తే షరతులులేని మద్దతు: జయలలిత

చెన్నై: ఏఐసిసి అధ్యక్షురాలు సోనియాగాంధీకి ఏఐడిఎంకే అధ్యక్షురాలు జయలలిత బంపర్ ఆపర్ ఇచ్చారు. సోనియాగాంధీ 2జి స్పెక్ర్టం భారీ కుంభకోణంలో ఆరోపణలు ఎదుర్కొంటున్న కేంద్రమంత్రి రాజాను తొలగించాలని కోరారు. సోనియాగాంధీ రాజాపై చర్యలు తీసుకుంటే షరతులు లేకుండా కేంద్రానికి మద్దతు ప్రకటిస్తామని బంపర్ ఆపర్ ప్రకటించారు. వెంటనే రాజాను తొలగించి చర్యలు తీసుకోవాలని ఆమె డిమాండ్ చేశారు.

తమకు 18 మంది పార్లమెంటు సభ్యులు ఉన్నారని, రాజాను తొలగిస్తే ఏఐడిఎంకే తరఫున వారందరి మద్దతును కేంద్రానికి ప్రకటిస్తామన్నారు. అదీ కూడా షరతులు లేకుండా అని చెప్పారు. ఒకవేళ రాజాను సొనియా గాంధీ తొలగించకపోతే జాతీయస్థాయిలో ఉద్యమం చేస్తామని హెచ్చరించారు. సోనియాగాంధీ మధ్యంతర ఎన్నికలు రావద్దని, ప్రభుత్వాన్ని కాపాడుకోవాలని అనుకుంటే వెంటనే రాజాను తొలగించాలన్నారు.