సెక్స్ స్వామి నిత్యానంద అనుచరుడు సచ్చిదానంద అరెస్టు

బెంగళూరు: సినీ నటి రంజితతో శృంగార లీలలు నడిపినట్లు ఆరోపణలు ఎదుర్కుంటున్న నిత్యానంద స్వామి అనుచరుడు సచ్చిదానందను బెంగళూరు సిఐడి అధికారులు అరెస్టు చేశారు. సాక్ష్యాలను నాశనం చేయడం, తారుమారు చేయాడానికి ప్రయత్నించడంలాంటి అభియోగాలపై నిత్యానంద స్వామి సహచరుడు సచ్చిదానందను అరెస్ట్ చేశారు. బిదాడిలోని నిత్యానంద అశ్రమంలో సచ్చిదానంద క్రీయాశీలక సభ్యుడైన సచ్చిదానందను బుధవారం ఉదయం కోర్టులో ప్రవేశపెట్టనున్నట్టు పోలీసు అధికారులు మీడియాకు తెలియచేసారు.

గత ఏప్రిల్‌లో ఓ టీవీ ఛానెల్ బయటపెట్టిన సెక్స్ కుంభకోణంలో నిత్యానందస్వామిపై రేప్‌తో సహా మరికొన్ని క్రిమినల్ కేసులు నమోదు చేసిన సంగతి తెలిసిందే. సినీ నటి రంజితతో నిత్యానంద స్వామి రాసలీలలు నడిపిన టేప్ వెలుగు చూడడంతో అప్పట్లో తీవ్ర దుమారం చెలరేగింది. అరెస్టు నుంచి తప్పించుకోవడానికి నిత్యానంద స్వామి అజ్ఞాతంలోకి వెళ్లాడు. పోలీసులు ఆయనను అరెస్టు చేశారు. ప్రస్తుతం అతను బెయిల్ పై ఉన్నాడు.