పదేళ్లుగా తెలంగాణ ఉద్యమం భ్రష్టుపట్టిపోయింది: గద్దర్

వరంగల్: తెలంగాణ ప్రజా ఫ్రంట్ ప్రత్యేక తెలంగాణ రాష్ట్రాన్ని సాధించడానికే పుట్టిందని ఆ ఫ్రంట్ కన్వీనర్, ప్రజా గాయకుడు గద్దర్ బుధవారం మీడియా ప్రతినిధులతో అన్నాడు. రాజకీయ నాయకుల కారణంగా గత పదేళ్లుగా తెలంగాణ ఉద్యమం భ్రష్టుపట్టిపోయిందని ఆరోపించారు. ప్రజా ఫ్రంట్ ఎన్నికలలో పోటీ చేయదని ఆయన చెప్పారు. రాజకీయ చేయటం కోసం ఫ్రంట్ ఉద్భవించలేదన్నారు.

ఫ్రంట్ తరఫున టిక్కెట్లు కూడా ఇవ్వమని ఆయన చెప్పారు. అయితే అవసరమనుకుంటే తెలంగాణకు మద్దతునిచ్చే చిన్న చిన్న పార్టీలు పోటీ చేయవచ్చని ఆయన సూచించారు. వాటికి మేం మద్దతునిస్తామని చెప్పారు. వరంగల్ జిల్లాలో ఆయన పర్యటిస్తున్నారు.