టిడిపి కార్యాలయ ముట్టడికి ఓయు జెఏసి యత్నం, విద్యార్థుల అరెస్టు

హైదరాబాద్: తెలంగాణకు మద్దతు ఇవ్వాలంటూ ఉస్మానియా యూనివర్శిటీ ఐక్య కార్యాచరణ సమితి విద్యార్థులు ఆదివారం మధ్యాహ్నం తెలుగుదేశం పార్టీ కార్యాలయం ఎన్టీఆర్ ట్రస్టు భవనం ముట్టడించే యత్నాలు చేశారు. అయితే వారి ప్రయత్నాలను పోలీసులు అడ్డుకున్నారు. జెఏసి నాయకులు కార్యాలయాన్ని ముట్టడించే కన్నా ముందే అరెస్టు చేసి అదుపులోకి తీసుకున్నారు.

తెలంగాణపై ఆ పార్టీ అధ్యక్షుడు చంద్రబాబునాయుడు రెండుకళ్ల సిద్దాంతాన్ని ప్రతిపాదిస్తున్నాడని అది సబబు కాదని వారు అన్నారు. తెలంగాణ ప్రత్యేక రాష్ట్రంగా ఏర్పాటు చేయడానికి ప్రధాన ప్రతిపక్షంగా ఉన్న తెలుగుదేశం మద్దతునివ్వాలని వారు డిమాండ్ చేశారు. తెలుగుదేశం పార్టీకి వ్యతిరేకంగా నినాదాలు చేశారు. తెలుగుదేశం తెలంగాణ నేతలు వెంటనే రాజీనామా చేయాలని డిమాండ్ చేశారు. వారిని పోలీసులు అదుపులోకి తీసుకున్నారు.