కిరణ్ కుమార్ రెడ్డిని ఎవరూ నమ్మరు: జగన్ క్యాంప్ ఎమ్మెల్యే గుర్నాథ రెడ్డి

హైదరాబాద్: ప్రభుత్వంలో ఉన్న కొంతమంది పెద్దలు మహానేత వైఎస్ రాజశేఖరరెడ్డిని ఉద్దేశించి నీచంగా మాట్లాడుతున్నారని, ఇలాగే మాట్లాడితే ప్రజలే ప్రభుత్వాన్ని కూలదోస్తారని మాజీ పార్లమెంటు సభ్యుడు వైయస్ జగన్ వర్గానికి చెందిన కాంగ్రెసు అనంతపురం శాసనసభ్యుడు గుర్నాధరెడ్డి అన్నారు. జగన్ వర్గం ఎమ్మెల్యేలను బుజ్జగించేందుకు ముఖ్యమంత్రి ఎంత ప్రయత్నించిన ఫలితం ఉండదని, కిరణ్ కుమార్ రెడ్డిని ఎవరూ ఎవరూ నమ్మే పరిస్థితిలో లేరన్నారు.

టీడీపీ అధ్యక్షుడు చంద్రబాబునాయుడు అవినీతిపై ఉద్యమం చేస్తాననటం హాస్యాస్పదంగా ఉందని గుర్నాథరెడ్డి ఎద్దేవా చేశారు. ఎమ్మెల్యే పుల్లా పద్మావతి చంద్రబాబుపై తీవ్రస్థాయిలో మండిపడ్డారు. అవినీతిపై చంద్రబాబుదే పేటెంట్‌హక్కు అని, ఆయన పుట్టుకే అవినీతిమయమన్నారు. అధికారం కోసం సొంత మామనే వెన్నుపోటు పొడిచిన చరిత్ర చంద్రబాబుదని ఆమె వ్యాఖ్యానించారు.