• search
  • Live TV
తిరుపతి వార్తల కోసం
నోటిఫికేషన్స్ పై క్లిక్ చేయండి  

కాంగ్రెసుతో చిరంజీవిది అక్రమ సంసారం: సిపిఐ నేత కె. నారాయణ

By Pratap
|
Google Oneindia TeluguNews
Narayana
తిరుపతి: కాంగ్రెసులో చిరంజీవి నేతృత్వంలోని ప్రజారాజ్యం పార్టీ కలయిక అక్రమ సంసారమని సిపిఐ రాష్ట్ర కార్యదర్శి కె. నారాయణ అభివర్ణించారు. కాంగ్రెసుకు వ్యతిరేకంగా సొంత ఎజెండాపై గెలిచిన ప్రజారాజ్యం పార్టీ కాంగ్రెసులో విలీనం కావడం సరైంది కాదని ఆయన శనివారం మీడియా ప్రతినిధుల సమావేశంలో అన్నారు. మాజీ పార్లమెంటు సభ్యుడు వైయస్ జగన్ వల్ల కాంగ్రెసు పార్టీకి నష్టం జరుగుతుందని ఆయన అన్నారు.

కాంగ్రెసు నుంచి బయటకు వచ్చినప్పుడు వైయస్ జగన్ తన పార్లమెంటు సభ్యత్వానికి రాజీనామా చేశారని, అలాగే ప్రజారాజ్యం పార్టీ ప్రజాప్రతినిధులు రాజీనామా చేసి కాంగ్రెసులో పార్టీని విలీనం చేయాలని, లేకుంటే అది అక్రమ సంసారమే అవుతుందని ఆయన అన్నారు. కాంగ్రెసు పార్టీని గట్టున పడేయడం చిరంజీవి తరం కాదని ఆయన అన్నారు. కాంగ్రెసు పార్టీ ద్వారా సామాజిక న్యాయం సాధిస్తామని చిరంజీవి అనడాన్ని ఆయన తప్పు పట్టారు. కాంగ్రెసు అనుసరించిన విధానాల వల్లనే ఈ స్థితి వచ్చిందని ఆయన అన్నారు. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు కూడా కాంగ్రెసుకు మద్దతిచ్చే అవకాశాలు లేకపోలేదని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X