చిరంజీవి ఇకనుండి చిరు జీవి: జగన్ వర్గం నేత అంబటి రాంబాబు

By Srinivas

Published: Wednesday, February 9, 2011, 13:01 [IST]

ఏలూరు: చిరంజీవి ఇకనుండి చిరు జీవి అని మాజీ పార్లమెంటు సభ్యుడు జగన్ వర్గం నేత అంబటి రాంబాబు బుధవారం వ్యాఖ్యానించారు. అంబటి పోలవరం సాధన కోసం జగన్‌ చేస్తున్న హరితయాత్రలో పాల్గొన్నారు. ఈ సందర్భంగా ఆయన విలేకరితో మాట్లాడారు. ప్రజారాజ్యం పార్టీ అధ్యక్షుడిగా చిరంజీవికి చాలా ఇమేజ్ ఉందన్నారు. అయితే ఆయన కాంగ్రెస్ పార్టీలో చేరి ఇప్పుడు చిరు జీవిగా మారిపోయారని అన్నారు.

వచ్చే నెలలో జగన్ కొత్త పార్టీ వస్తుందని చెప్పారు. దివంగత ముఖ్యమంత్రి వైయస్ రాజశేఖరరెడ్డి సమాధి వద్ద ఆయన తన పార్టీ పేరును ప్రకటిస్తారని చెప్పారు. పార్టీ కోసం, పార్టీ విధివిధానాల కోసం జగన్ అభిమానులు ఎదురు చూస్తున్నారని అన్నారు. 2003 వైయస్ పాదయాత్రలో పాల్గొన్నానని, ఇప్పుడు జగన్ పాదయాత్రలో కూడా పాల్గొంటున్నానని అందుకు ఎంతో సంతోషంగా ఉందన్నారు.

Published On February 9, 2011