• search
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సోనియాపై విరుచుకుపడిన జగన్ వర్గం ఎమ్మెల్యే కొండా సురేఖ

By Srinivas
|
Konda Surekha
హైదరాబాద్: ఏఐసిసి అధ్యక్షురాలు సోనియాగాంధీకి మాజీ పార్లమెంటు సభ్యుడు జగన్ వర్గం కాంగ్రెసు ఎమ్మెల్యే కొండా సురేఖ మరో లేఖను రాశారు. 9 పేజీల లేఖలో సోనియాపై సురేఖ తీవ్ర విమర్శలు చేశారు. సోనియాకు కాంగ్రెసు అధ్యక్షురాలిగా కొనసాగే అర్హత లేదని తన లేఖలో ఆరోపించారు. పుట్టిన రోజు బహుమతిగా ప్రకటించిన తెలంగాణపై ఎందుకు మాట నిలబెట్టుకొలేక పోయారని ప్రశ్నించారు. మాట తప్పడం ఇటలీ సంస్కృతా అని ప్రశ్నించారు. తెలంగాణ కోసం జరిగిన విద్యార్థుల బలిదానాలకు సోనియానే బాధ్యత వహించాలని అన్నారు. పదవులు, డబ్బులు, నీచ రాజకీయాల కోసం ఇటలీ సంస్కృతిని పెంచి పోషిస్తున్నారని ఆరోపించారు. కాంగ్రెసు పార్టీపైన ప్రేమ ఉన్నా మీ అనైతికత వల్లే ప్రజలు కాంగ్రెసు‌ను గద్దె దింపుతారని ఆ లేఖలో సోనియాపై ఆరోపణలు చేశారు. మీ నీచ రాజకీయాలు చూస్తే దివంగత ప్రధానమంత్రి రాజీవ్ ఆత్మ కూడా క్షోభిస్తుందన్నారు.

ప్రజారాజ్యం పార్టీని కాంగ్రెసు‌లో విలీనం చేసుకోవడాన్ని కూడా ఆమె ప్రశ్నించారు. గత సాధారణ ఎన్నికల్లో కాంగ్రెసు నేతల పంచెలూడదీస్తామన్న వారిని పార్టీలో ఎందుకు చేర్చుకుంటారన్నారు. సొంత కూతురు ప్రేమను ఒప్పుకోని చిరంజీవి సామాజిక న్యాయం ఎలా చేస్తాడని ఆమె ప్రశ్నించారు. కాంగ్రెసు పార్టీ సీనియర్ నాయకుడు వెంకటస్వామికి అపాయింట్‌మెంట్ ఇవ్వకుండా అవమానించడం ఎంత వరకు సమంజసం అన్నారు. కాకా సోనియాపై చేసిన ఆరోపణలు వాస్తవం కాదా అని ప్రశ్నించారు. దివంగత ముఖ్యమంత్రి వైఎస్ రాజశేఖరరెడ్డి అవినీతిపరుడే అయితే రెండోసారి ముఖ్యమంత్రిగా ఎందుకు కూర్చుండబెట్టారని ప్రశ్నించారు.

పార్టీని అధికారంలోకి తీసుకు వచ్చి ప్రదేశ్ కాంగ్రెసు కమిటీ అధ్యక్షుడు డి శ్రీనివాస్‌ను ముఖ్యమంత్రిగా ఎందుకు చేయలేదని ప్రశ్నించారు. ముఖ్యమంత్రి కిరణ్‌కుమార్ రెడ్డిపై అంతగా నమ్మకం ఉంటే శాసనసభను రద్దు చేసి మళ్లీ ఎన్నికలు నిర్వహించాలని ఆమె సవాల్ చేశారు. విలువలకు తిలోదకాలు ఇచ్చి క్రమశిక్షణ పేరుతో షోకాజ్ నోటీసులు జారీ చేయడం ఎంత వరకు సమంజసం అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని హైదరాబాద్ వార్తలుView All

English summary
Ex Member of Parliament YS Jagan camp, Congress MLA Konda Surekha today wrote a letter to AICC president Sonia Gandhi. Surekha questioned Sonia about Chiranjeevi's Prajarajyam merger, Congress Senior leader Venkataswamy appointment and Telangana issue. She demanded Sonia Gandhi dissolve Assembly, If having confident on CM Kiran.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more