చిరంజీవి రాకతో కాంగ్రెస్‌కు దరిద్రం!: జగన్ వర్గం ఎమ్మెల్యే మేకపాటి

రాజమండ్రి: చిరంజీవి రాకతో కాంగ్రెస్ పార్టీకి శని, దరిద్రం(!) పట్టినట్టయిందని మాజీ పార్లమెంటు సభ్యుడు వైయస్ జగన్మోహన్ రెడ్డి వర్గం కాంగ్రెస్ శాసనసభ్యుడు మేకపాటి చంద్రశేఖరరెడ్డి బుధవారం ధ్వజమెత్తారు. కాంగ్రెస్ పార్టీని రాష్ట్రంలో భూస్థాపితం చేయడానికే చిరు కాంగ్రెస్ పార్టీలో చేరారని అన్నారు. పరకాల శాసనసభ్యురాలు కొండా సురేఖ జగన్ చేస్తున్న పోలవరం సాధన యాత్రలో పాల్గొనక పోవడంపై ఆయన స్పందించారు. కొండా సురేఖ జగన్ వెంటే ఉంటుందని చెప్పారు.

ఆమె తన వ్యక్తిగత పనుల వల్లనే జగన్ హరితయాత్రలో పాల్గొనక పోవచ్చునని చెప్పారు. అయితే గురువారం పోలవరం వద్ద జరిగే భారీ బహిరంగ సభకు మాత్రం ఆమె తప్పకుండా హజరవుతుందని ఆయన ఆశాభావం వ్యక్తం చేశారు. పార్టీ అధిష్టానం చర్యలు తీసుకుంటానని చెప్పడం పట్ల సురేఖ భయపడదని చెప్పారు. జగన్ వెంట భయపడే నేతలెవరూ లేరన్నారు. జగన్‌కు మేమంతా సంపూర్ణ మద్దతు ఇస్తున్నామని చెప్పారు.

English summary

Ex Member of Parliament YS Jagan camp, Congress MLA Mekapati Chandrasekhar Reddy hoped that MLA Konda Surekha will join in Polavaram ending meeting. He said Congress will loss it's cadder with Chiranjeevi joining.