విద్యార్థులే కెసిఆర్ బండారం బయట పెడతారు: ఎమ్మెల్యే జగ్గారెడ్డి

By Srinivas

Published: Monday, February 14, 2011, 11:17 [IST]

మెదక్: తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖరరావు బండారం త్వరలో విద్యార్థులే బయట పెడతారని సంగారెడ్డి శాసనసభ్యుడు తూర్పు జయప్రకాశ్ రెడ్డి(జగ్గారెడ్డి) సోమవారం అన్నారు. తెలంగాణ ఐక్యా కార్యాచరణ సమితి ఇచ్చిన సహాయ నిరాకరణతో ఆయన విభేదించారు. సహాయ నిరాకరణ చేపట్టడం తెలంగాణకే నష్టమని చెప్పారు. రేపటి నుండి సంగారెడ్డిలో విద్యాసంస్థల బంద్ ఉంటుందని ఆయన స్పష్టం చేశారు.

విద్యార్థులను రెచ్చగొట్టుతున్నది తెలంగాణ రాజకీయ జెఏసి, దాని చైర్మన్ ప్రొఫెసర్ కోదండరామ్లేననని ఆరోపించారు. ఉద్యమాన్ని టిఆర్ఎస్ ఒక్కటే నడపడం లేదన్నారు. తెలంగాణలో ఉన్న ప్రతి ఒక్కరు తెలంగాణ కోసం ఉద్యమిస్తున్నారని చెప్పారు.

Published On February 14, 2011