నిలకడగా బాబా ఆరోగ్యం అయినా విషమం: బులెటిన్ విడుదల

By Srinivas

Published: Wednesday, April 13, 2011, 9:53 [IST]

అనంతపురం: భగవాన్ శ్రీ సత్యసాయి బాబా ఆరోగ్యం నిలకడగా ఉందని సిమ్స్ వైద్యులు బుధవారం ఉదయం బులెటిన్ విడుదల చేశారు. సాయి బాబా ఆరోగ్యం నిలకడగా ఉన్నప్పటికీ ఇప్పటికీ కాస్త ఆందోళనకరమే అని చెప్పారు. బాబా అన్ని అవయవాలు సక్రమంగా పని చేస్తున్నాయని బులెటిన్‌లో చెప్పారు. బాబాకు వెంటిలెటర్ ద్వారా చికిత్సను కొనసాగిస్తామని చెప్పారు. హిమో డయాలసిస్ కూడా కొనసాగిస్తున్నట్టుగా చెప్పారు. మొత్తానికి బాబా ఆరోగ్యం మరింత మెరుగు పడినట్టు చెప్పారు.

బాబాకు ఎప్పటికప్పుడు వైద్య సేవలు అందిస్తున్నట్టుగా చెప్పారు. అయితే మరిన్ని వైద్య సేవలు బాబాకు అవసరమైనట్టు భావిస్తున్నారు. కాగా బాబా ఆరోగ్యంపై ఎప్పటికప్పుడు వైద్యులు బులెటిన్ విడుదల చేస్తున్నప్పటికీ డాక్టర్లు స్పష్టమైన ప్రకటన మాత్రం చేయలేక పోతున్నారు. ఇది భక్తులలో తీవ్ర ఆందోళన కలిగిస్తున్న అంశం.

Published On April 13, 2011