నిలకడగా అక్బరుద్దీన్ ఆరోగ్యం: అవసరమైతే విదేశీ డాక్టర్ల బృందం

By Srinivas

Published: Monday, May 2, 2011, 12:53 [IST]

హైదరాబాద్: చాంద్రాయణగుట్టలో ప్రత్యర్థుల చేతిలో గాయపడి హాస్పిటల్లో చేరిన ఎంఐఎం ఎమ్మెల్యే అక్బరుద్దీన్ ఓవైసీ ఆరోగ్యం నిలకడగా ఉందని కేర్ ఆసుపత్రి వైద్య బృందం సోమవారం 11.30 గంటలకు ఓ హెల్త్ బులెటిన్ విడుదల చేసింది. అక్బర్ ఆరోగ్యానికి నిలకడగానే ఉందని చెప్పారు. భయం అవసరం లేదని చెప్పారు. అవయవాల పనితీరు కాస్త మెరుగు పడిందని అన్నారు. బిపి, నాడి వ్యవస్థలో కూడా మెరుగు కనిపిస్తోందన్నారు. అయితే మూడో రోజు కూడా వెంటిలేషన్ పైనే ఉన్నారని అన్నారు. డయాలసిస్ కొనసాగుతుందని చెప్పారు.

కాగా అక్బరుద్దీన్ వైద్యానికి అవసరమైన పక్షంలో విదేశీ డాక్టర్ల బృందాన్ని కూడా రప్పించేందుకు సిద్ధంగా ఉన్నట్టు కేర్ వైద్యులు చెప్పారు. కాగా శనివారం ప్రత్యర్థుల దాడిలో గాయపడ్డ అక్బరుద్దీన్ ఎడమ కిడ్నీ పూర్తిగా చెడిపోయిన విషయం తెలిసిందే. మూత్రాశయానికి బలమైన గాయం కావడంతో తీవ్ర రక్తస్రావం అవుతోంది. ఎడమ తొడపై కూడా గాయాలయ్యాయి.

Published On May 2, 2011