అక్బరుద్దీన్ స్పృహలో ఉన్నారు, మాట్లాడుతున్నారు: కేర్ డాక్టర్లు

By Srinivas

Published: Tuesday, May 3, 2011, 12:39 [IST]

హైదరాబాద్: ఎంఐఎం శాసనసభ్యుడు అక్బరుద్దీన్ ఆరోగ్యం మరింత మెరుగు పడిందని కేర్ వైద్యులు మంగళవారం ఉదయం ఓ హెల్త్ బులెటిన్ విడుదల చేశారు. అక్బరుద్దీన్ ఆరోగ్యం సోమవారం కంటే మంగళవారం మరింత మెరుగు పడిందని బులెటిన్‌లో పేర్కొన్నారు. అక్బర్ స్పృహలో ఉన్నారని, ఆయన మాట్లాడుతున్నారని చెప్పారు. ఆయన ఆరోగ్యం రోజు రోజు మెరుగు పడుతుందని చెప్పారు. వెంటిలేషన్ తొలగించినట్లు చెప్పారు. డయాలసిస్ కొనసాగిస్తున్నామని పేర్కొన్నారు.

అయితే కాలేయ పనితీరు కాస్త ఆందోళనకరంగా ఉందని చెప్పారు. కాలేయ పనితీరును ఎప్పటికప్పుడు పరిశీలిస్తున్నట్టు చెప్పారు. రక్తపోటు పల్స్ రేటు సాధారణంగానే ఉందని పేర్కొన్నారు. కాగా మంగళవారం ఉదయం తెలుగుదేశం పార్టీ అధ్యక్షుడు చంద్రబాబునాయుడు అక్బరుద్దీన్‌ను పరామర్శించారు.

Published On May 3, 2011