బాబు సిఎం పదవి లేకుండా ఉండలేక పోతున్నారు: ఆనం సోదరులు

కడప: మాజీ ముఖ్యమంత్రి, తెలుగుదేశం పార్టీ అధినేత నారా చంద్రబాబునాయుడు ముఖ్యమంత్రి పదవి లేకుండా ఉండలేక పోతున్నారని నెల్లూరు జిల్లాకు చెందిన ఎమ్మెల్యే ఆనం వివేకానందరెడ్డి, మంత్రి ఆనం రామనారాయణరెడ్డి సోదరులు బుధవారం ఎద్దేవా చేశారు. తెలుగుదేశం పార్టీకి కడపలో ప్రధాన్యతే లేదని చెప్పారు. కడప, పులివెందుల ఓటర్లు ఉప ఎన్నికలలో ఖచ్చితంగా కాంగ్రెసును గెలిపిస్తారని ఆశాభావం వ్యక్తం చేశారు. సిఎం పదవి ధ్యాసలో పడిన చంద్రబాబు కాంగ్రెసు రెండో స్థానంలో నిలుస్తుందని అంటున్నారని అన్నారు. జిల్లాలో ప్రాధాన్యత లేని టిడిపి రెండో స్థానంలో నిలవడం ఖాయమన్నారు.

కాంగ్రెసు నుండి గెలిచి మాజీ పార్లమెంటు సభ్యుడు వైయస్ జగన్మోహన్ రెడ్డి వెంట వెళుతున్న పార్లమెంటు సభ్యుడు మేకపాటి రాజమోహన్ రెడ్డి, ఎమ్మెల్యే మేకపాటి చంద్రశేఖరరెడ్డిలు రాజీనామా చేసి ఉప ఎన్నికలకు వెళ్లాలని సూచించారు. ముస్లింలకు నాలుగు శాతం రిజర్వేషన్ అని అనడం జగన్ మోస పూరిత చర్యలకు నిదర్శనమన్నారు.

English summary

Anam brothers accused that TDP president Chandrababu Naidu want to became AP CM another time. They said that TDP will stand 3rd place in bypoll. They demanded Mekapati brothers to resign.