మళ్లీ పెళ్లి వద్దని, కొడుకులు ఆల్ ఖైదాలోకి వద్దని భార్యలకు చెప్పిన లాడెన్

న్యూఢిల్లీ: తన మరణం తర్వాత మళ్లీ పెళ్లి చేసుకోవద్దని, తన పిల్లలను ఆల్ ఖైదాలో చేర్చవద్దని అంతర్జాతీయ ఉగ్రవాది ఒసామా బిన్ లాడెన్ కోరినట్లు ఓ వార్తాపత్రిక రాసింది. ఈ మేరకు ఆయన తన వీలునామాలో రాసినట్లు కువైట్ వార్తాపత్రిక ఆల్ - అంబా తెలిపింది. ఈ వీలునామాను వ్యక్తిగతమూ రహస్యమూ అంటూ చెప్పాడని, దాన్ని అమెరికాపై దాడుల తర్వాత 2001 డిసెంబర్ 14వ తేదీన రాశాడని తెలిపింది. ఈ సమయంలో లాడెన్ కోసం అమెరికా బలగాలు అఫ్షనిస్తాన్‌లో వేట సాగిస్తున్నాయి.

కంప్యూటర్‌పై రాసిన ఆ వీలునామాపై లాడెన్ సంతకం చేశాడని ఆ పత్రిక రాసింది. తన చుట్టూ ఉన్నవారి చేతిలో తాను హతం కావచ్చునని కూడా అతను రాసినట్లు తెలిపింది. అయితే, ఆ వీలునామా ప్రతిని తాము ఎలా సంపాదించామనే విషయాన్ని ఆ పత్రిక తెలియజేయలేదు. సౌదీకి చెందిన అరబిక్ మ్యాగజైన్ ఇటువంటి డాక్యుమెంటునే 2002లో ప్రచురించింది. అయితే, నకిలీ డాక్యుమెంటు అని తేలింది. తగిన సమయాన్ని ఇవ్వనందుకు తనను క్షమించాలని లాడెన్ తన కుమారులను కోరినట్లు కూడా ఆ పత్రిక రాసింది.

English summary

Osama Bin Laden's last wish, according to a document purported to be his will, was that his wives not remarry after his death and his children not join al-Qaida.