భార్య వేధింపులకు గొంతు కోసుకున్న భర్త: పరిస్థితి విషమం

By Srinivas

Published: Wednesday, May 4, 2011, 15:41 [IST]

విశాఖపట్నం: భార్య వేధింపులకు తాళలేక భర్త గొంతు కోసుకున్న సంఘటన విశాఖపట్నంలోని ధర్మానగర్‌లో చోటు చేసుకుంది. ధర్మానగర్‌లో ఉంటున్న భాస్కరరావు తన భార్య కుమారి వేధింపులు తాళలేక బుధవారం మధ్యాహ్నం రెండు సమయంలో కత్తితో గొంతు కోసుకొని ఆత్మహత్యాయత్నం చేసినట్టుగా తెలుస్తోంది. అతనికి తీవ్ర రక్తస్రావం కావడంతో గమనించిన స్థానికులు ఆయనను కెజిహెచ్ వైద్యశాలకు తరలించారు. భాస్కర్ పరిస్థితి విషమంగానే ఉందని డాక్టర్లు చెబుతున్నారు. భాస్కర్ పేయింటర్‌గా పని చేస్తున్నాడు. అతనికి రోజుకు రూ.250 వరకు వస్తుంటాయి.

అయితే తన భార్య ఇంట్లోకి వివిధ రకాల వస్తువులను కొనాలని మరిన్ని డబ్బుల కోసం తనను వేధిస్తూ తన గొంతు కోసిందని ఆరోపిస్తున్నాడు. అయితే ఆసుపత్రికి వచ్చిన భార్య కుమారి మాత్రం మరోవిధంగా చెబుతోంది. తన భర్తే తనను అనుమానంతో నిత్యం వేధిస్తుంటాడని, తాగి వచ్చి కొడుతుంటాడని చెబుతోంది. తానే గొంతు కోసుకున్నాడని చెబుతోంది.

Published On May 4, 2011