కుటుంబ విభేదాల ప్రభావం ఉప ఎన్నికలలో ఉండదు: వివేకా

By Srinivas

Published: Wednesday, May 4, 2011, 14:35 [IST]

కడప: దివంగత ముఖ్యమంత్రి వైయస్ రాజశేఖరరెడ్డి కుటుంబాల మధ్య ఉన్న విభేదాలు కడప జిల్లా ఉప ఎన్నికలలో ఎలాంటి ప్రభావం చూపించదని పులివెందుల కాంగ్రెసు అసెంబ్లీ అభ్యర్థి, మాజీ మంత్రి వైయస్ వివేకానందరెడ్డి బుధవారం అన్నారు. వివేకానందరెడ్డి వేముల మండలం పెండ్లూరులో ప్రచారంనిర్వహిస్తున్నారు.కుటుంబ విభేదాలు ఎన్నికలలో ప్రభావం చూపవని, అభివృద్ధిని, ప్రజలకు అందుబాటులో ఉండే నాయకులను ఓటర్లు చూసి ఎన్నుకుంటారని చెప్పారు.

పులివెందుల నియోజకవర్గం అభివృద్ధి కోసం ఓటర్లు తనకు ఓటు వేయాల్సిందిగా ఆయన అభ్యర్థించారు. తాను ఎప్పుడూ ప్రజలకు అందుబాటులో ఉన్న వ్యక్తినని చెప్పారు. ముఖ్యమంత్రి కిరణ్ కుమర్ రెడ్డి, ప్రజారాజ్యం పార్టీ అధ్యక్షుడు చిరంజీవి ప్రచారం తన విజయానికి మరింత ఉపయోగ పడుతుందని చెప్పారు.

Published On May 4, 2011