లక్ష్మీదేవి బికినీపై క్షమాపణలు చెప్పిన ఆస్ట్రేలియా కంపెనీ లిసా బ్లూ

మెల్బోర్న్: హిందూ దేవత లక్ష్మీదేవిని బికినీపై చిత్రించిన ఆస్ట్రేలియా స్విమ్ వియర్ లేబుల్ కంపెనీ క్షమాపణలు చెప్పింది. లక్ష్మీదేవి చిత్రాన్ని బికినీపై చిత్రించడంతో తీవ్ర వివాదం చేలరేగింది. హిందువుల మనోభావాలను దెబ్బ తీసినందుకు క్షమాపణలు చెబుతున్నట్లు స్విమ్ వియర్ కంపెనీ తెలిపింది. కొత్త సీజన్‌లో లీసా బ్లూ స్విమ్ వియర్‌ పీస్‌లో లక్ష్మీదేవి చిత్రం కనిపించదని స్పష్టం చేసింది.

లక్ష్మీదేవి చిత్రంతో ఉన్న కొత్త రేంజ్ పీసెస్ ఉత్పత్తిని నిలిపేశామని, మార్కెట్లో ఉన్నవాటిని వెనక్కి తీసుకున్నామని లీసా బ్లూ స్విమ్ వియర్ కంపెనీ వివరించింది. సిడ్నీలో గతవారం జరిగిన రోజ్ మౌంట్ ఆస్ట్రేలియా ఫ్యాషన్ వీక్‌లో ఓ మోడల్ లక్ష్మీదేవి చిత్రం ఉన్న స్విమ్ ష్యూట్ ధరించి ప్రదర్శన ఇచ్చింది. ఆ స్విమ్ వియర్‌పై హిందువులు తీవ్ర అభ్యంతరం తెలిపారు.

English summary

An Australian swimwear label company, which triggered a controversy by depicting an image of Goddess Lakshmi on a bikini bottom and front of a model, has apologised to the Hindu community for hurting their sentiments.