నేడు ఎమ్మెల్యేపై దాడి, రేపు ఎవరి మీదనైనా జరగవచ్చు: అసదుద్దీన్

By Pratap

Published: Thursday, May 12, 2011, 17:53 [IST]

హైదరాబాద్: నేడు శానససభ్యుడిపై దాడి జరిగిందని, రేపు ఎవరి మీదనైనా జరగవచ్చునని మజ్లీస్ పార్లమెంటు సభ్యుడు అసదుద్దీన్ ఓవైసీ అన్నారు. తన సోదరుడు, మజ్లీస్ శాసనసభ్యుడు అక్బరుద్దీన్‌పై జరిగిన హత్యా యత్నంపై ఆయన ఆ విధంగా అన్నారు. అసదుద్దీన్ గురువారంనాడు ముఖ్యమంత్రి కిరణ్ కుమార్ రెడ్డిని కలిశారు. తన సోదరుడిపై జరిగిన దాడిపై వాదించేందుకు ప్రత్యేకంగా పబ్లిక్ ప్రాసిక్యూటర్‌ను నియమించాలని కోరానని, అందుకు ముఖ్యమంత్రి సానుకూలంగా ప్రతిస్పందించారని ఆయన మీడియా ప్రతినిధులతో చెప్పారు.

సైబరాబాద్, రంగా రెడ్డి కమిషరేట్ల పరిధిలో ఇష్టం వచ్చినట్లు గన్ లైసెన్సులు ఇవ్వకూడదని, గన్ లైసెన్సులు ఇచ్చే ముందు వ్యక్తుల వివరాలను సమగ్రంగా పరిశీలించాలని ఆయన అభిప్రాయపడ్డారు. రౌడీ షీటర్లను, హిస్టరీ షీటర్లను సైబరాబాద్, రంగా రెడ్డి కమిషనరేట్ల పరిధి నుంచి వెలి వేయాలని ఆయన డిమాండ్ చేశారు.

Published On May 12, 2011