టిడిపి రగడ: నెహ్రూ వెళ్లిన పెళ్లికి ఎలా వెళ్లారంటూ బాబుకు ప్రశ్న

By Srinivas

Published: Thursday, May 12, 2011, 15:44 [IST]

విజయవాడ: బెజవాడ తెలుగుదేశం పార్టీలో ఓ లేఖ కలకలం సృష్టిస్తోంది. తెలుగుదేశం పార్టీ కార్యకర్తలు పార్టీ అధినేతను ప్రశ్నిస్తూ ఓ లేఖ రాయడం పార్టీలో చర్చనీయాంశంగా మారింది. మాజీ మంత్రి గద్దె రామ్మోహన్ రావు తనయుడి పెళ్లికి అధినేత చంద్రబాబు ఎలా హాజరవుతారంటూ తెలుగు తమ్ముళ్లు ఓ లేఖలో ప్రశ్నించారు. మాజీ మంత్రి, కాంగ్రెసు నేత దేవినేని నెహ్రూను తెలుగుదేశం పార్టీలోకి తీసుకు వచ్చే ఉద్దేశ్యంలో భాగంగానే ఇలాంటివి జరుగుతున్నావని వారు అనుమానం వ్యక్తం చేశారు.

నెహ్రూ హాజరయ్యే గద్దె తనయుడి పెళ్లికి చంద్రబాబు హాజరుతో తాము తలలు ఎక్కడ పెట్టుకుంటామని తెలుగు తమ్ముళ్లు లేఖలో ప్రశ్నించారు. దేవినేను నెహ్రూను పార్టీలోకి తీసుకు వచ్చేందుకు తీవ్రంగా ప్రయత్నాలు జరుగుతున్నాయని వారు ఆ లేఖలో పేర్కొన్నారు. టిడిపి కార్యకర్తలను తీవ్రంగా ఇబ్బందులకు గురి చేసిన నెహ్రూను టిడిపిలోకి ఎలా ఆహ్వానిస్తామని వారు లేఖలో ప్రశ్నించారు.

Published On May 12, 2011