అమర్ సింగ్‌తో సెక్సీ టాక్ జరపలేదు: బాలీవుడ్ బ్యూటీ బిపాసా బసు

By Pratap

Published: Thursday, May 12, 2011, 16:28 [IST]

ముంబై: సమాజ్‌వాదీ పార్టీ మాజీ నాయకుడు అమర్ సింగ్‌తో తాను పోనులో సెక్సీ టాక్ చేసినట్లు వచ్చిన వార్తలపై బాలీవుడ్ బ్యూటీ బిపాసా బసు మండిపడుతున్నారు. వారిద్దరు ఫోన్‌లో జరిపిన అసభ్య శృంగారపరమైన సంభాషణల టేప్‌లు బయటపడ్డాయి. ఆ సంభాషణల్లో వారిద్దరు సెక్స్‌పరమైన సంభాషణ జరిపినట్లు ఆ టేప్‌ల ద్వారా బయటపడింది. తన ప్రతిష్టను దెబ్బ తీసే విధంగా ఆ వార్తలు ఉన్నాయని ఆమె మండిపడింది. టేప్‌ సంభాషణలపై బిపాసా బసు తన ట్విట్టర్‌లో వివరణ ఇచ్చింది.

సెలిబ్రిటీలపై వార్తాకథనాలు రాయడానికి ఓ పరిమితి ఉంటుందని, అవాస్తవ కథనాలతో సంచలనాలు సృష్టించడం మంచిది కాదని ఆమె హితబోధ చేసింది. టేప్ సంభాషణలోని మాటలు తవని కావని చెప్పింది. సంభాషణలను విని, రుజువు చేయాలని ఆమె సవాల్ విసిరారు. తన ప్రతిష్టను దెబ్బ తీసే పనికి ఒడిగట్టినందుకు తీవ్రమైన చర్యలు తీసుకుంటానని ఆమె హెచ్చరించింది.

Published On May 12, 2011