కేశవరావుతో కెటి రామారావు, కోదండరామ్ భేటీ: తెలంగాణపై చర్చ

By Pratap

Published: Thursday, May 12, 2011, 15:24 [IST]

హైదరాబాద్: కాంగ్రెసు తెలంగాణ సీనియర్ నాయకుడు కె. కేశవరావుతో తెలంగాణ రాష్ట్ర సమితి (తెరాస) శాసనసభ్యుడు కెటి రామారావు, తెలంగాణ రాజకీయ జెఎసి చైర్మన్ కోదండరామ్ భేటీ అయ్యారు. వారిద్దరు విడివిడిగా కేశవరావుతో సమావేశమయ్యారు. గురువారం ఉదయం కోదండరామ్ కేశవరావును కలిశారు. ఆ తర్వాత కెటి రామారావు కేశవరావుతో భేటీ అయ్యారు. తెలంగాణపై నిర్ణయం తీసుకోవడానికి కాంగ్రెసు అధిష్టానం ఇచ్చిన గడువు సమీపిస్తుండడంతో ఈ భేటీలకు ప్రాధాన్యం చేకూరింది.

కేశవరావుతో తెలంగాణ ఉద్యమంపై చర్చించినట్లు భేటీ అనంతరం కెటి రామారావు చెప్పారు. తెలంగాణ రాష్ట్ర ఏర్పాటుకు కాంగ్రెసుపై ఒత్తిడి తెస్తామని ఆయన మీడియా ప్రతినిధులతో అన్నారు. తెలంగాణకు అనుకూలంగా నిర్ణయం తీసుకోకపోతే కాంగ్రెసు పార్టీ తెలంగాణలో కనిపించదని ఆయన అన్నారు. తెలంగాణ కోసం తాము ఏ చర్యకైనా సిద్ధంగా ఉన్నామని ఆయన చెప్పారు.

Published On May 12, 2011