నళినితో సంబంధం వల్లనే వడ్లమూడి మోహన్ హత్య

విజయవాడ: తెలుగుదేశం పార్టీ విజయవాడ నగర అధ్యక్షుడు వల్లభనేని వంశీ అనుచరుడు, తెలుగునాడు విద్యార్థి సమాఖ్య అధ్యక్షుడు వడ్లమూడి మోహన్ హత్య మిస్టరీ వీడిపోయింది. అతను ఇటీవల అనుమానాస్పద స్థితిలో మరణించిన విషయం తెలిసిందే. వల్లభనేని నాగరాజు అలియాస్ నాని అనే మిత్రుడి భార్య నళినితో లైంగిక సంబంధాల వల్లనే మోహన్ హత్యకు గురైనట్లు భావిస్తున్నారు. ఈ కేసులో పోలీసులు నాని, నళినిలతో పాటు 9 మందిని నిందితులుగా చేర్చారు. నానిని పోలీసులు శనివారం అరెస్టు చేశారు. నాగరాజు ఓ ట్రావెల్ ఏజెన్సీ యజమాని.

వడ్లమూడి మోహన్ నళినితో లైంగిక సంబంధాలు కొనసాగిస్తూ వచ్చాడని, నాగరాజుకు ఈ విషయం తెలుసునని వార్తలు వస్తున్నాయి. వడ్లమూడి మోహన్‌ గొంతుకు బైక్ వెనక సీటు నుంచి ఉరివేశారని, దాంతో అతను చనిపోయాడని అంటున్నారు. హత్య చేసిన తర్వాత మోహన్ శరీరంపై నుంచి బస్సు నడిపించి ప్రమాదందా చిత్రీకరించే ప్రయత్నం చేశారని చెబుతున్నారు. దీంతో తొలుత ప్రమాదంలోనే మోహన్ మరణించాడని భావించారు. అయితే, దీనిపై వల్లభనేని వంశీ అనుమానాలు వ్యక్తం చేశారు. దాంతో హత్య కోణం నుంచి పోలీసులు దర్యాప్తు చేశారు.

English summary

It is revealed that TNSF president and TDP leader Vallabhaneni Vamsi follower Vadlamudi Mohan is killed by his friend and his gang men.