అమెరికా ఎఫెక్ట్: పెట్రోల్, డీజిల్ ధరలు తగ్గుతాయా?

న్యూఢిల్లీ: పెట్రోల్, డీజిల్ ధరలు తగ్గుతాయనే ఆశ ప్రజల్లో చిగురిస్తోంది. ప్రపంచవ్యాప్తంగా ముడిచమురు ధరలు తగ్గుముఖం పట్టిన నేపథ్యంలో పెట్రోల్, డీజిల్ ధరలు తగ్గే అవకాశాలున్నట్లు కేంద్ర ప్రభుత్వం సూచనప్రాయంగా తెలిపింది. ముడి చమురు ధరలు ఇలాగే తగ్గుతూ పోతే ఆర్థిక లోటును భర్తీ చేసుకోవడానికి ప్రభుత్వం తన సబ్సిడీని కూడా తగ్గించుకునే అవకాశాలున్నాయి.

ముడి చమురు ధర బ్యారెల్‌కు 107 డాలర్ల నుంచి 102 డాలర్లకు మాత్రమే తగ్గడంతో తాము సంతృప్తిగా లేమని, హేతుబద్దంగా చూస్తే ఆ ధర ఇంకా ఎక్కువేనని ఆర్థిక మంత్రి ప్రణబ్ ముఖర్జీ అన్నారు. చమురు, ఇతర సరుకుల ధరలు ఇంకా తగ్గుతాయని ఆశిస్తున్నామని, దానివల్ల ద్రవ్యోల్బణాన్ని అరికట్టి సబ్సిడీ తగ్గించుకోవడానికి వీలవుతుందని ఆయన అన్నారు. ముడి చమురు ధరలు తగ్గితే దాని ఫలితం వినియోగదారులకు చేరుతుందని పెట్రోలియం శాఖ మంత్రి జైపాల్ రెడ్డి అన్నారు.

English summary

The government on Tuesday said that prices of petrol and other fuel could be lowered if global crude prices continue to slip further.