ఏనుగు అడిగితే కొయ్యబొమ్మ ఇచ్చాం: ఆనం

నెల్లూరు: ఏనుగును అడిగితే తాము కొయ్యబొమ్మను ఇచ్చామని కాంగ్రెసు సీమాంధ్ర శానససభ్యుడు ఆనం వివేకానంద రెడ్డి రాష్ట్రపతి ఉత్తర్వులోని 14ఎఫ్ పేరా రద్దుపై వ్యాఖ్యానించారు. అలా ఇస్తే తప్పేమిటని ఆయన శనివారం మీడియా ప్రతినిధులతో అన్నారు. 14ఎఫ్ రద్దు వల్ల నష్టమేమీ లేదని ఆయన అన్నారు. సీమాంధ్ర ఇప్పటికే చాలా త్యాగాలు చేసిందని, 14ఎఫ్ మరో త్యాగమని ఆయన అన్నారు.

14ఎఫ్‌ను రద్దు చేయాలని తమ ప్రభుత్వం నిర్ణయించింది కాబట్టి మద్దతిస్తున్నామని మరో కాంగ్రెసు సీమాంధ్ర శాసనసభ్యుడు గాదె వెంకటరెడ్డి అన్నారు. 14ఎఫ్ రద్దు సుప్రీంకోర్టు తీర్పునకు విరుద్ధమని ఆయన విడిగా మీడియా ప్రతినిధులతో అన్నారు. దీనిపై న్యాయనిపుణులతో చర్చించిన తర్వాత కోర్టుకు వెళ్లే విషయంపై ఆలోచన చేస్తామని ఆయన అన్నారు. 14ఎఫ్ రద్దుపై కాంగ్రెసు గుంటూరు పార్లమెంటు సభ్యుడు రాయపాటి సాంబశివ రావు నిప్పులు చెరిగారు. తెలంగాణవాళ్లు బ్లాక్ మొయిల్ చేస్తున్నారని ఆయన గుంటూరులో మీడియా ప్రతినిధులతో అన్నారు.

English summary

Congress MLA made comment on 14 deletion that Seemandhra sacrificed again.