జగన్‌కు మద్దతు కాదు కానీ...: వెంకయ్యనాయుడు

By Srinivas

Published: Wednesday, August 31, 2011, 15:27 [IST]

తిరుపతి: వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి కేసు విషయంలో కాంగ్రెసు ప్రభుత్వం అధికార దుర్వినియోగానికి పాల్పడుతున్నందునే తాము పార్లమెంటులో మాట్లాడామని, కానీ తాము ఎప్పటికీ వైయస్సార్సీ పార్టీని తాము ఎప్పటికీ సమర్థించమని భారతీయ జనతా పార్టీ సీనియర్ నాయకుడు వెంకయ్య నాయుడు బుధవారం తిరుపతిలో అన్నారు.

కాంగ్రెసుకు, వైయస్సార్ కాంగ్రెసు పార్టీలకు ఏమాత్రం తేడా లేదన్నారు. అలాంటి జగన్ పార్టీని తాము ఎన్నడూ సమర్థించమన్నారు. జగన్ ఆస్తులపై సిబిఐ విచారణ సమర్థిస్తున్నామని తెలిపారు. ఆస్తుల వ్యవహారంలో నిజాలు తెలియాల్సి ఉందన్నారు. అయితే రాజకీయాల్లో పొత్తులు అవసరం తప్పని సరన్నారు. రాష్ట్రంలో ఏర్పడిన అనిశ్చితిని తొలగించాలంటే మళ్లీ వెంటనే రాష్ట్రంలో ఎన్నికలు జరిపించాలని డిమాండ్ చేశారు.

Published On August 31, 2011