యుట్యూబ్‌లో వైయస్ జగన్, వైయస్ఆర్ బొమ్మరిల్లు పేరడీ

By Srinivas

Published: Wednesday, August 31, 2011, 16:18 [IST]

హైదరాబాద్: బొమ్మరిల్లు తెలుగు చిత్రానికి పేరడీగా వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి, దివంగత ముఖ్యమంత్రి వైయస్ రాజశేఖర రెడ్డిల మధ్య సంభాషణలు రూపొందించిన వీడియో ఇటీవల యుట్యూబ్‌లో ప్రత్యక్షమైంది. ఇందులో వైయస్ సతీమణి, పులివెందుల శాసనసభ్యురాలు వైయస్ విజయమ్మ సైతం జగన్‌ను వెనకేసుకొస్తుంది. ఇందులో సిద్దార్థగా వైయస్ జగన్, ప్రకాశ్ రాజ్‌గా దివంగత వైయస్‌, జయసుధగా వైయస్ విజయమ్మను చూపించారు. దీనికి వైయస్ఆర్ ఇల్లు అని టైటిల్ పెట్టారు. ఈ వీడియో 5నిమిషాల 30 సెకన్లు ఉంది.

ఇందులో వైయస్ అంతా నీకోసమే చేశానని చెప్పగా జగన్ తండ్రిని తప్పుపడతాడు. జగన్‌కు విజయమ్మ వత్తాసు పలుకుతుంది. నాన్న నా కోరిక ముఖ్యమంత్రి కావాలని ఉన్నది. నా కోరిక అర్థం చేసుకోండి అని అర్థిస్తాడు. మీరు సిఎంగా పని చేసి దర్జాగా వెళ్లి పోయారు. కానీ ఇప్పుడు నన్ను చూసి అందరూ నవ్వుతున్నారు నాన్న అంటూ జగన్ దీనంగా వైయస్‌తో అంటాడు. విజయమ్మ సైతం జగన్‌కు మద్దతుగా వందమంది ఎమ్మెల్యేలు వస్తారనుకుంటే నలభై మంది కూడా రాలేదని వైయస్‌తో వాపోతుంది.

Published On August 31, 2011