మోహన్‌లాల్ వద్ద బంగారు విగ్రహాలు, పాత గన్నులు

తిరువనంతపురం‌: ప్రముఖ మలయాళీ నటుడు మోహన్‌లాల్ చిక్కుల్లో పడ్డట్లే కనిపిస్తున్నారు. మలయాళం సూపర్ స్టార్స్ మోహన్‌లాల్, మమ్మూట్టీల ఇళ్లపై ఆదాయం పన్ను శాఖ అధికారులు దాడులు నిర్వహించి, వారు ఆదాయానికి మించి ఆస్తులు కలిగి ఉన్నారని కనుక్కున్నారని అంటున్నారు. భారత ప్రాదేశిక సైన్యంలో ల్యూటినెంట్ కల్నల్ టైటిల్ పొందిన మోహన్‌లాల్ మరిన్ని కష్టాల్లో పడ్డారు.

పురాతత్వ శాఖ అధికారులు ఉధగమందాళంలోని లవ్‌డేల్‌లో గల మోహన్‌లాల్ ఫామ్ హౌస్‌లో సోదాలు నిర్వహించారు. బుధవారం నిర్వహించిన ఈ సోదాల్లో అధికారులు పెద్ద యెత్తున పురాతన కళాఖండాలను స్వాధీనం చేసుకున్నట్లు సమాచారం. ఫామ్‌హౌస్‌లోని మోహన్‌లాల్ నిక్షేపాలను కూడా అధికారులు వెలికి తీశారు. పది గంటల పాటు ఎనిమిది మంది అధికారులు బుధవారం సోదాలు చేశారు.

ఫామ్‌హౌస్‌లో వారికి వందేళ్ల నాటి నాలుగు గన్నులు, రెండు బంగారు విగ్రహాలు అధికారులకు చిక్కినట్లు తెలుస్తోంది. వాటిని ఆయన తిరువనంతపురం రాచకుటుంబం నుంచి పొందినట్లు చెబుతున్నారు. పురాతన కళాఖండాల విలువ ఎంత ఉంటుందనేది తెలియదు. పురాతన కళాఖండాలు గల గదికి అధికారులు తాళం వేసి, సీల్ చేశారు. వాటిని మోహన్‌లాల్ ఎలా పొందాడనే విషయంపై అధికారులు ఆరా తీస్తున్నారు.

English summary

After the income tax officials swooped the residences of top Malayalam superstars, Mammootty and Mohanlal after it was reported that they have undisclosed assets, further trouble seem to be in the offing for Actor Mohanlal who was given the title Lieutanant Colonel title in the Indian Territorial Army.