భార్యను చితకబాదిన కన్నడ నటుడు దర్శన్ అరెస్టు

బెంగళూరు: భార్యను చితకబాదిన కేసులో ప్రముఖ కన్నడ నటుడు దర్శన్ అరెస్టయ్యాడు. భార్య విజయలక్ష్మి ఫిర్యాదు మేరకు బెంగుళూర్ విజయనగర పోలీసులు ఆయనను అరెస్టు చేశారు. శుక్రవారం తెల్లవారు జామున దర్శన్ విజయలక్ష్మిని చితకబాదినట్లు పోలీసులకు ఫిర్యాదు అందింది. విజయలక్ష్మిని దర్శన్ చంపేస్తానంటూ తుపాకితో బెదిరించినట్లు కూడా వార్తలు వస్తున్నాయి. తీవ్రంగా గాయపడిన విజయలక్ష్మిని గాయత్రీ ఆస్పత్రిలో చేర్చారు. ఆమె తలకు బలమైన గాయం తగిలింది. ఐసియులో ఆమె చికిత్స పొందుతోంది. మరో 24 గంటలు గడిస్తే తప్ప ఆమె పరిస్థితి గురించి చెప్పలేమని వైద్యులంటున్నారు.

దర్శన్‌కు కన్నడ సినీ రంగంలో మంచి పేరుంది. మంచి నటుడిగా కూడా గుర్తింపు పొందాడు. దాదాపు 44 సినిమాల్లో నటించాడు. క్యారెక్టర్ యాక్టర్‌గా, విలన్‌గా అతను నటించాడు. పెళ్లయిన కొత్తలో భార్యాభర్తలు బాగానే ఉండేవారని, గత ఏడాది కాలంగా కలతలు చోటు చేసుకున్నాయని అంటున్నారు. వారికి ఓ పాప కూడా ఉంది. కలతల కారణంగా విజయలక్ష్మి ఎక్కువగా తన తల్లిదండ్రులతోనే ఉంటోందని చెబుతున్నారు.

English summary

Challenging star Darshan has been arrested by the police on a complaint by his wife Vijayalakshmi. She has complained a murderous assault on wife and threatening with revolver at 2.30 AM.