విశ్వసుందరిగా మిస్ అంగోలా లైలా లోపెజ్

By Pratap

Published: Tuesday, September 13, 2011, 10:51 [IST]

బ్రెజిల్: మిస్ అంగోలా విశ్వసుందరిగా ఎన్నికైంది. మిస్ యూనివర్స్ - 2011 టైటిల్‌ను మిస్ అంగోలా లైలా లోపెజ్ దక్కించుకుంది. బ్రెజిల్‌లోని సావోపౌలోలో జరిగిన ఈ పోటీలు చివరి వరకు ఉత్కంఠభరితంగా సాగాయి. పోటాపోటీగా నిలిచిన వివిధ దేశాల సుందరీమణులను తోసిరాజని లైలా లోపెజ్ అందాల కిరీటాన్ని సొంతం చేసుకుంది.

న్యాయనిర్ణేతలు అడిగిన ప్రశ్నలకు మిస్ అంగోలా సంతృప్తికరమైన సమాధానాలు ఇచ్చింది. తొలి రన్నరప్‌గా మిస్ ఉక్రెయిన్, రెండో రన్నరప్‌గా మిస్ బ్రెజిల్ ఎంపికయ్యారు. కాగా, భారతదేశం తరఫున ప్రాతినిధ్యం వహించిన తెలుగు అమ్మాయి వాసుకి సుంకవల్లి టాప్ ‌టెన్‌కు కూడా చేరుకోలేకపోయింది.

Published On September 13, 2011