మాదాపూర్‌లో భారీ పేలుడు పదార్థాలు లభ్యం

By Srinivas

Published: Friday, September 23, 2011, 15:30 [IST]

హైదరాబాద్: రాజధానిలో మరోసారి పోలీసులు భారీ పేలుడు పదార్థాలను గుర్తించారు. సైబరాబాద్ కమిషనరేట్ సమీపంలోని మాదాపూర్‌లోని సిద్ధిఖ్ నగర్‌లోని ఓ ఇంట్లో శుక్రవారం ఎస్‌ఓటి పోలీసులు భారీ పేలుడు పదార్థాలు స్వాధీనం చేసుకున్నారు. సిద్ధిఖ్ నగర్‌లోని ఓ ఇంట్లో పేలుడు పదార్థాలు ఉన్నాయన్న విశ్వసనీయ వర్గాల సమాచారం మేరకు ఎస్‌ఓటి పోలీసులు రైడ్ చేశారు. ఆ ఇంట్లో భారీగా జిలెటిన్ స్టిక్స్, నల్లమందును పోలీసులు గుర్తించారు. వాటిని స్వాధీనం చేసుకున్నారు.

అయితే ఇటీవల తాము కూలీ పనులు చేసుకునే వారమని చెప్పి కొందరు యువకులు తమ ఇంట్లో అద్దెకు దిగారని, కానీ ఇంట్లో ఇన్ని పేలుడు పదార్థాలు పెట్టారనే విషయం తమకు తెలియదని ఇంటి యజమానులు చెబుతున్నట్లుగా తెలుస్తోంది. నిందితులు పరారీలో ఉన్నారు.

Published On September 23, 2011