మహిళా క్రికెటర్‌కు లైంగిక వేధింపులు, కేసు?

By Srinivas

Published: Saturday, October 22, 2011, 11:24 [IST]

తిరుపతి: ఓ మహిళా క్రికెటర్‌కు కోచ్ నుండి లైంగిక వేధింపులు వచ్చిన సంఘటన శుక్రవారం వెలుగు చూసింది. ఈ వార్తను ప్రముఖ ప్రసార సాధనాలు ప్రసారం చేశాయి. తూర్పు గోదావరి జిల్లా తరఫున ఆడుతున్న లక్ష్మీ అనే మహిళా క్రికెటర్‌ను రాజమండ్రి కోచ్ వేధించాడు. ఆమె స్థానిక తిరుపతి పోలీసు స్టేషన్‌లో గతంలోనే ఫిర్యాదు చేసింది. అయితే ఇటీవల ఉమెన్ టాలెంట్ కమిటీ మెంబర్ ఒకరు ఆమెను కోచ్ తరఫున బెదిరింపులకు గురి చేశాడు. కోచ్ పైన పెట్టిన కేసును ఉపసంహరించుకోవాలని బెదిరింపు కాల్స్ చేశాడు. రాత్రి వేళల్లోనూ ఫోన్లు చేసి హెచ్చరించాడు. ఇటీవల సదరు మెంబర్ లక్ష్మీని తిరుపతిలోని తన ఇంటికి పిలిపించుకొని బంధించారు.

కోచ్ పైన కేసు ఉపసంహరించుకోవాలని బలవంత పెట్టాడు. అయితే బందీగా ఉన్న తనకు ప్రాణ హాని ఉందని భావించి అతని బలవంతంతో లేఖ రాసి ఇచ్చినట్లు లక్మీ చెప్పారు. అయితే తనతో బలవంతంగా లేఖ రాయించినందున వారి నుండి తప్పించుకొని తాను మీడియా ముందుకు వచ్చానని చెప్పారు. కాగా మీడియాతో మాట్లాడటానికి సదరు మహిళా టాలెంట్ కమిటీ మెంబర్ అందుబాటులో లేనట్లుగా తెలుస్తోంది.

Published On October 22, 2011