జగన్ ఆస్తుల వివరాలు ఇచ్చేందుకు సిద్ధం: సిబిఐ

By Srinivas

Published: Monday, October 24, 2011, 14:04 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి సంస్థలు, ఇళ్ల నుంచి సేకరించిన సమాచారాన్ని ఆదాయపన్ను శాఖకు ఇచ్చేందుకు తమకు ఎలాంటి అభ్యంతరం లేదని సిబిఐ కోర్టుకు సిబిఐ సోమవారం తెలియజేసింది. అయితే తాము వారికి అందించే పత్రాలు, సిడిలకు అయ్యే ఖర్చును ఆదాయ పన్ను శాఖనే చెల్లించాలని చెప్పారు. కాగా సోదాల్లో సేకరించిన సమాచారాన్ని తమకు కేటాయించాల్సిందిగా బెంగళూరు ఆదాయ పన్ను శాఖ మూడు రోజుల క్రితం సిబిఐ కోర్టులో పిటిషన్ వేసిన విషయం తెలిసిందే. దీనిపై సోమవారం విచారణ జరిగింది.

తమ వద్ద నుంచి స్వాధీనం చేసుకున్న హార్డ్ డిస్క్‌లు, సిడిల నుండి వెలికి తీసిన వివరాలను తెలపాలని సండూర్ పవర్, విజయ సాయిరెడ్డి అసోసియేట్స్ దాఖలు చేసిన దాఖలు చేసిన పిటిషన్లపై కూడా సిబిఐ స్పందించింది. హార్డ్ డిస్క్‌లు, సిడిలి సెంట్రల్ ఫోరెనిక్స్ సైన్స్ లేబోరేటరీలో ఉన్నాయని కోర్టుకు తెలియజేసింది. ఖర్చు భరిస్తే వివరాలు ఇవ్వాలని కోర్డు ఆదేశించింది. అయితే అందుకు తమకే అభ్యంతరం లేదని సిబిఐ తెలిపింది.

Published On October 24, 2011