చెల్లెల్ని వేధిస్తున్నాడని యువకున్ని చంపిన ఇంజనీర్లు

By Srinivas

Published: Friday, October 28, 2011, 12:32 [IST]

Engineer bros kill youth for stalking sister

బెంగళూరు: తమ చెల్లెలిని వేధిస్తున్న ఓ యువకునిపై ఇద్దరు ఇంజనీర్లు దాడి చేసి హత్య చేసిన సంఘటనలో నిందితులను పోలీసులు గురువారం అరెస్టు చేశారు. కె మంజూనాథ్, కె సెల్వ కుమార్ ఇద్దరు సోదరులు. ఒకరు సాఫ్టువేర్ ఇంజనీర్ కాగా మరొకరు మెకానికల్ ఇంజనీర్. వారు తమ చెల్లెలిని శాస్త్రవేత్తను చేయాలనుకునేవారు. ఆమెను నగరంలో మంచి కళాశాలలో చేర్పించారు. అయితే తమ సోదరిని దీపక్ అనే పద్దెనిమిదేళ్ల యువకుడు నిత్యం అనుసరిస్తున్నాడని, ప్రేమిస్తున్నాడని తెలుసుకొని మరో బంధువుతో కలిసి ఆ సోదరులు శ్రీరాంపురలో ఆతనిపై దాడి చేశారు. అతను మృతి చెందాడు.

మృతుడు దీపక్ బుధవారం కొత్తగా కడుతున్న తమ భవనంలో ఉన్నాడు. అదే సమయంలో అక్కడకు వచ్చిన అమ్మాయి సోదరులు అతని తలను బలంగా గోడకు బాదారు. తలకు తీవ్ర గాయం కావడంతో అతను మృతి చెందాడు. ఎయిర్ పోర్టు పోలీసులు నిందితులు ముగ్గురుని అరెస్టు చేసి విచారిస్తున్నారు.

Published On October 28, 2011