రిసార్ట్‌పై దాడి, అశ్లీల డ్యాన్స్ చేస్తున్న యువతులు అరెస్ట్

By Srinivas

Published: Monday, November 14, 2011, 9:22 [IST]

హైదరాబాద్: రిసార్టులో అశ్లీల నృత్యాలు చేస్తున్న పంతొమ్మిది మంది అమ్మాయిలను రంగారెడ్డి జిల్లా పోలీసులు ఆదివారం రాత్రి అరెస్టు చేశారు. వారితో పాటు మరో ఇరవై మందిని కూడా పోలీసులు అదుపులోకి తీసుకున్నారు. హైదరాబాద్‌లోని మేడ్చల్ మండలం మునీరాబాద్ గ్రామ పరిధిలోని ఓ రిసార్టులో తప్పతాగి అర్ధరాత్రి వరకు అమ్మాయిలు అశ్లీల నృత్యాలు చేస్తున్నారని తెలుసుకున్న పోలీసులు దాడి చేసి అమ్మాయిలతో సహా నలబై మందిని అదుపులోకి తీసుకున్నారు. స్థానిక సిఐ యాదగిరి రెడ్డి తన బృందంతో రాత్రి రిసార్ట్‌పై ఆకస్మికంగా దాడి చేశారు.

ఈ దాడిలో పోలీసులు వారి నుండి ఆరు కార్లు, ఇరవై సెల్ ఫోన్లు, కొంత మొత్తంలో నగదు స్వాధీనం చేసుకున్నారు. వీరంతా నగరానికి చెందిన వారుగా ప్రాథమిక విచారణలో తేలినట్లు సిఐ తెలిపారు. అదుపులోకి తీసుకున్న వారిలో పలువురు ప్రముఖులు కూడా ఉన్నట్లు తెలుస్తోంది.

Published On November 14, 2011