జగన్ ఎమ్మెల్యేలపై చర్యలు తీసుకోవాలి: నారాయణ

ఒంగోలు: అవిశ్వాస తీర్మానం సమయంలో కాంగ్రెసు పార్టీ విప్ ధిక్కరించిన వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి వర్గం శాసనసభ్యుల పైన స్పీకర్ నాదెండ్ల మనోహర్ చర్యలు తీసుకోవాలని సిపిఐ రాష్ట్ర కార్యదర్శి నారాయణ మంగళవారం అన్నారు. ప్రకాశం జిల్లాలోని కొండపి పార్టీ కార్యాలయానికి వచ్చిన ఆయన విలేకరులతో మాట్లాడారు. ఇంత పెద్ద ఎత్తున ఎమ్మెల్యేలపై వేటు వేయాలని స్పీకర్ వద్దకు సిఫార్సులు రావడం దేశంలో ఇదే ప్రథమమన్నారు.

పార్టీకి వ్యతిరేకంగా పని చేసిన వారిపై చర్యలు తీసుకోకపోతే ప్రజల్లో రాజకీయ పార్టీలపై విశ్వాసం పోతుందని హెచ్చరించారు. వచ్చే ఉప ఎన్నికల్లో కొన్ని స్థానాల్లో సిపిఐ పార్టీ పోటీ చేసే ఆలోచనలో ఉందని చెప్పారు. కాగా సోమవారం సాయంత్రం ప్రభుత్వ చీప్ విప్ కొండ్రు మురళి జగన్ వర్గం ఎమ్మెల్యేలపై చర్యలు తీసుకోవాలని స్పీకర్‌కు ఫిర్యాదు చేసిన విషయం తెలిసిందే.

English summary

CPI Narayana suggested speaker Nadendla Manohar on YSR Congress Party president YS Jagan camp mlas.