చంద్రబాబుపై కోడిగుడ్లు విసిరిన తెలంగాణవాదులు

అదిలాబాద్: తెలుగుదేశం పార్టీ అధినేత నారా చంద్రబాబు నాయుడుపై తెలంగాణవాదులు బుధవారం కోడిగుడ్లు విసిరారు. బాబు అదిలాబాద్ జిల్లాలో రైతు పోరు యాత్ర ప్రారంభించిన విషయం తెలిసిందే. బాబు కాన్వాయ్ ఉట్నూరు క్రాస్ వద్దకు రాగానే పలువురు తెలంగాణవాదులు కోడిగుడ్లతో దాడి చేశారు. పోలీసులు వెంటనే స్పందించి దాడికి పాల్పడ్డ వారిని అదుపులోకి తీసుకున్నారు. అంతకుముందు ఏంద గ్రామంలో బాబు కాన్వాయ్‌ను టిఆర్ఎస్ కార్యకర్తలు అడ్డుకున్నారు.

తెలంగాణకు మద్దతివ్వని చంద్రబాబును ఈ ప్రాంతంలో తిరగనివ్వమని హెచ్చరించారు. ఆయనకు వ్యతిరేకంగా నినాదాలు చేశారు. ఎంపీ రమేష్ రాథోడ్ వారితో వాగ్వాదానికి దిగారు. పోలీసులు రంగంలోకి దిగి వారిని పక్కకు లాగేశారు. ఆ తర్వాత ఉట్నూరు మండలం షాపూర్ వద్ద కూడా కాన్వాయ్‌ని అడ్డుకున్నారు.

English summary

Telanganites obstructed TDP chief Nara Chandrababu Naidu in Adilabad district. Some people thrown eggs on Chandrababu.